Falecemento do Padre Alejandro

Faleceu o Padre Alejandro Pérez García, impulsor en 1983 do club de xadrez nos Dominicos, que chegou a ser un referente no xadrez escolar de Galicia.

No 2023, co motivo de cumprirse 40 anos dende a creación desa entidade, recibiu a distinción de socio de honra de AGAX. Dende entón celébrase o Torneo Padre Alejandro a finais de curso no Colexio, no que precisamente estabamos a traballar estes días.

Agardamos manter o seu legado. Onte mesmo, o equipo clasificado na categoría infantil do xadrez escolar na Coruña está composto na súa metade por estudantes do Colexio.

Descanse en paz.